BCCI hotute lo zin

Board of Control for Cricket in India (BCCI) hnuaia Affiliation Com­mittee member Prakash Dixit leh Anshuman Gaek­wad te chuan Thawhlehni khan Aizawl rawn thlengin Cricket Association of Mizoram (CAM) hmalakna an endik a, vawiinah Aizawl an chhuahsan.

Affiliation Committee thuneitute hian BCCI hnuaia inziak lut tura CAM dinhmun an rawn endik a, tehna langsar zingah Mizorama cricket dinhmun, khelmual leh CAM-in academy a kal­pui dante an enfiah a ni.

CAM hian Sihhmuiah Suaka Memorial Cricket Ground an nei mek a, Ramhlun Sports Complex leh Durtlang-ah Mizoram Cricket Academy neiin Durtlang a academy-ah hian indoor leh outdoor khelhna a awm kawp.