K. Kawla Football-ah Lunglei champion

Assam Riffles leh MFA ṭangkawpin an buatsaih CAPF K. Kawla Under 19 Talent Hunt Football Tournament-ah Lunglei chuan final-ah Champhai 3-2 a hnehin an champion.

Champion team hi nimin khan Lunglei mipuiin Pukpui Centenary lungphunah an lo hmuak a, Venglaiah lawmpuina hun buatsaih sak an ni.

Final hmuhnawm

Nilaini zana Lammual inkhelah Lungleiin minute ngana lekah HK Lalhruaitluanga hmang­in hma an hruai a, minute 61-naah C. Lalduhawma hmangin goal hnihna an khung leh bawk.

Amaherawhchu minute nga hnua Zomuan­sanga goal khung hmangin Champhaiin bei­seina thar an nei a, Zomuansanga vek hian hun tawp hma minute thum a la awmin an siphurh a sut. Hun pangngaiah chak zawk an awm lo.

Extra time-ah Lunglei tan CVL Rem­tluanga'n chakna goal a khung a, inkhela chungnung zawk Lungleiin hnehna an chang.

Lungleiin harsatna nei loin final an lut a, group stage-ah goal 12 zetin goal khat chiah an chhuah. Final-ah pawh Lunglei hian goal an khung hmasa zel a, K. Kawla Football-a champion hi an phu a ni.

Hmeichhe lam

Hmeichhe inelnaah Aizawl chu harsatna nei loin an champion. Nilaini tlai khan Aizawl hian final-ah 8-0 in Kolasib an sawp.

Mimal Lawmman
Mipa
Top Scorer : Samson Lalhriatpuia, Mamit
Best Defender : Lalruatdika, Champhai
Best Midfielder : C. Lalduhawma, Lunglei
Best Goalkeeper : Lalremruata, Lunglei
Hmeichhia
Top Scorer : K. Lalruatfeli, Aizawl
Best Defender : Lalringnungi, Kolasib
Best Midfielder : Grace H. Lalrampari, Aizawl
Best Goalkeeper : Lalhminghluii, Kolasib
Lunglei Champion Kalkawng
May 2, Thawhlehni
Lunglei 5 - 1 Kolasib
LUN : H. Lalhruaitluanga 5'; Silvana R. Lalruatkima 15', 50'; Lalrinthanga 31'; Lalropeka 83'
KOL : David Laltlansanga 36'
May 4, Ningani
Siaha 0 - 5 Lunglei
LUN : C. Lalduhawma 9'; Lalrintluanga 12'; Silvana R. Lalruatkima 21'; Joseph Lalvenhima 39'; Lalnunzira Hnamte 74'
May 6, Inrinni
Serchhip 0 - 2 Lunglei
LUN : C Lalduhawma 25'; Lalawmpuia 79'(OG)
May 10, Nilaini
Champhai 2 - 3 (a.e.t) Lunglei
CHA : Zomuansanga 66', 87'
LUN : HK Lalhruaitluanga 5'; C. Lalduhawma 61'; CVL Remtluanga 106'