Kings XI beisei a la bo lo

Indian Premier League playoff lut tura an beiseina chhi nung turin Kings XI Punjab chuan run 14-in Kolkata Knight Riders an hneh. KKR erawh match khat chiah an khelh tur awm tawhah playoff hmun luah chiang turin Mumbai Indians an hneh a ngai dawn a, hnehna an chang zo lo a nih chuan team dang result emaw an net run rate chu an innghahna tur a ni ang.

Thawhlehni zana inkhelah Kings XI an bat hmasa zawk a, over 20-ah run 167 siamin wicket ruk an hloh. Punjab run siam zat hi KKR laka himna tur niin lang lo mah se Kolkata tana run 84 siamtu Chris Lynn-a'n thlawptu a nei ṭha tawk lo a, over 20-ah run 153 chiah siama wicket ruk hlohin KKR hi a tlawm zawkah an ṭang ta a ni.