India-in ngaihven a hlawh ṭan - MFA Hon. Secy

India ram aiawha FIFA Congress vawi 67-na chhimtu Lalnghinglova Hmar chuan India-in FIFA Under 17 World Cup 2017 a thlen dawn avangin hmelhriat a hlawh thu a sawi.

MFA honorary secretary Tetea Hmar chuan, "Khawvel huapah chuan Indian football hi a la sang lo chungin, FIFA Under 17 World Cup thlengtu tur kan nih vangin hmelhriat kan hlawh angreng hle," tiin India ram aiawh theia a awm chu lawmawm a tih thu a sawi.

Mizoram nen sawi zawmin Tetea chuan, "Mizoram mil tura kaih rem theih thil thar a tam lo a, an programme siam ṭhenkhat erawh football tihlarna turin kan kalpui thei ve mahna. FIFA meuh chu AIFF aṭanga teh pawha a san em avangin thil thar a ni zel a, chutihrualin khawvel huapa football hruaitu lian kalkhawma tel ve a, agenda apianga vote thlaktu nih ve theih chu a lawmawm khawp mai," tiin FIFA len zia a sawi.

MFA honorary secretary chuan, "Mizoram football lama kawng hrang hranga thawhpuite vanga hetiang dinhmun hi thleng thei ka ni a, ka ni hlawh hle a ni," tiin a thawhpuite chungah lawmthu a sawi.