Sami Khedira hliam a serious lo

Thawhlehni zan Cham­pions League semifinal-a Juventus-in Monaco an hneh ṭuma inhliam mid­fielder Sami Khedira chuan a dinhmun chu hlauh­thawnawm a nih loh thu a sawi. Juve midfielder hian minute 10 a khel hman chauh tihin a malpuiah hliam a tuar a, rei tak chawl tur anga ngaih hman a ni.

Mahse, German mid­fielder chuan, "Ka hliam chu rin angin a serious lo a, a lawmawm takzet a ni. Ni engemaw zat chu chawlh hahdam ka la mamawh dawn a, mah se club tan khelmual chhunga ka lo kir leh thuai ka beisei," tiin a hliam chungchang a sawi.

Kum 30-a upa Khedira hian kum 2015 khan Real Madrid aṭangin Juventus a zawm a, tun season-ah inelna hrang hrangah match 44 khel tawhin goal nga a khung sak.