Bartra-a'n training a zawm leh tawh

Champions League quar­ter­final-a Monaco nen an in­hma­chhawn hmaa club bus-a bomb puak vanga inhliam Borussia Dort­mund defender Marc Bartra chuan hliam vanga thla khat zet a chawlh hnuin club training a zawm leh ta.

Kum 26-a upa Spain interna­tional hian bomb puak avang khan a ban dinglamah hliam a tuar a, zai hial tawk mah se Nilaini khan club training a zawm leh tawh a ni. Bartra chuan, "Kar rei tak chhung vawiin hun hi ka nghak a, training ka zawm leh thei ta hi ka hlim takzet. Ka ṭhiante nena inelna hmachhawn hlan ka nghakhlel tawh hle a ni," tiin twitter lamah a ziak.

Bundesliga table-a pathumna ni mek Dortmund hian league match hnih khelh tur an la nei a, May 27-ah German Cup final khelin Eintracht Frankfurt an hmachhawn bawk ang.