Tata Trusts U Dream-in Dortmund thawhpui dawn
Tata Trusts U Dream Football chuan German club ṭha Borussia Dortmund nen an thawhdun tur thu an puang. Thawhdunna ang chuan Tata Trusts U Dream hnuaia naupangte chu Dortmund youth coach ten training pein an pui ṭhin dawn a ni.
Kum 2016 khan Tata Trusts leh U Dream hi India ram football hmasawn nan an thawkdun ṭan a, January khan North East aṭangin naupang 35 lai Germany-ah tirin kum ruk chhung an inzir dawn. Naupang zinga 17 hi Mizo niin coaching staff zinga tel turin Lalchhuanawma (Lcha), Dinthar chut tirh zingah a tel bawk.
Tata Trusts U Dream Football academy hi Bitburg, Germany-ah awmin Under 15 leh Under 17 team-ah ṭhen an ni a, kartin club ṭha tak tak youth team te nen inkhel ṭhinin Germany mai bakah Belgium leh Luxembourg lam club-a youth team te pawh an khelhpui tawh a, team pahnih match khelh tawh zat belhkhawm hi vawi 20 niin vawi 15 hnehna an chang a, vawi thum an tlawm.