Punjab tan beisei a bo lo
Kings XI Punjab-in IPL playoff khel turin an beiseina an chhi nung ve zel a, Ningani zan inkhelah playoff khel chiang tawh Mumbai Indians chu run sarihin an hneh.
Wankhede Stadium-a inkhelah Punjab an bat hmasa zawk a, over 20-ah run 230 ngawt siamin wicket thum an hloh. Kings XI tan Wriddhiman Saha chu a 'changtupa' a ni a, kum 32-a upa batsman hian run 93 ngawt vaw chhuakin a tawp thleng a dam.
Mumbai Indians tan target huhphurhawm tak niin lang mah se opener Lendl Simmons (59 runs) a chet ṭhat miau avangin an beiseina tihnunin a awm a, run 50 siamtu Kieron Pollard chuan a tawp thleng damin a pui ṭha viau bawk.
Mahse, MI-in batsman dang chet ṭhat tawk loh tuarin over 20-ah run 223 chiah an tlin a, wicket ruk hlohin run sarihin a tlawm zawkah an ṭang ta a ni.
Zanin Inkhel Tur
Gujarat Lions 04:00 PM Sunrisers Hyderabad
Kolkata Knight Riders 08:00 PM Mumbai Indians
May 14, Pathianni Zan
Rising Pune Supergiant 04:00 PM Kings XI Punjab
Delhi Daredevils 08:00 PM Royal Challengers Bangalore