India squad-ah Mizo paruk

AFC Asian Cup UAE 2019 qualifier khel tura inbuatsaih mek India coach Stephen Constantine chuan June 13-a Kyrgyz Republic nen an inkhelh hun atan India probable squad a puang a, players koh chhin 35 zingah Mizo paruk hming a lang.

I League champion Aizawl FC-in player pa­thum thawhin Mizo tlangval pahnih Laldanmawia Ralte leh Lalruatthara-te koh an ni a, Mizo club champion-na kawnga thawhhlawk tak goalkeeper Albino Gomes chu koh zingah a tel bawk.

Mizo player zingah I League khelh zawh taka Emerging Player of the League Jerry Lalrinzuala, Shillong Lajong innghahna Issac Vanmalsawma, AIFF player of the year Jeje Lalpekhlua leh Bengaluru FC striker Daniel Lahlim­puia te chu koh an ni bawk a ni.

India squad-a koh player 35-te hian May 20-ah camp an nei ṭan ang a, Andheri Sports Complex, Mumbai-ah training neiin players hi 23-ah tihhniam leh tur a ni ang.

FIFA ranking-a 128-na Kyrgyzstan nen an inhmachhawn hma hian India hian June 7 khian Lebanon nen friendly match an khel ang.

Mohun Bagan leh Benga­luru FC-in AFC Cup khelh tur an neih avangin club pahnih playerte hian a ṭan tirah camp hi an la zawm ve thei dawn lo a ni.

India Squad:
Goalkeepers: Gurpreet Singh Sandhu, Subrata Paul, Debjit Majumdar, Amrinder Singh, Albino Gomes, Vishal Kaith.
Defenders: Pritam Kotal, Nishu Kumar, Arnab Mondal, Sandesh Jihngan, Anas Edathodika, Chinglensana Singh , Lalruatthara , Fuganco Cardozo, Subhasish Bose, Narayan Das, Jerry Lalrinzuala.
Midfielders: Jackichand Singh, Udanta Singh, Laldanmawia Ralte, Seityasen Singh, Eugeneson Lyngdoh, Rowllin Borges, Cavin Lobo, Md. Rafique, Dhanapal Ganesh, Milan Singh, Issac Vanmalsawma, Holicharan Narzary, Bikash Jairu.
Forwards: Sunil Chhetri, Jeje Lalpekhlua, Daniel Lahlimpuia, Robin Singh, C.K. Vineeth.