Playoff khel tur Sunrisers

Inrinni zan khan Sunrisers Hyderabad chuan wicket riatin Gujarat Lions an hneh a, playoff khel turin an tling chiang. Nizan inkhelah Rising Pune Supergiant chuan wicket kuain Kings XI Punjab an sawp bawk a, Mumbai Indians, Rising Pune Supergiant, Sunrisers Hyderabad leh Kolkata Knight Riders-ten a sang pali nichungin league round an khar.

Mumbai Indians-in Kolkata Knight Riders an hneh avangin table chung bera awm chungin league round an khar a, pahnihna Rising Pune nen Thawhlehni zanah qualifier 1 an khel ang. Eliminator round-ah Sunrisers leh Kolkata an inhmachhawn dawn bawk a, he inkhela chak zawk hian qualifier 1 a chak lo zawk chu qualifier 2-ah an hmachhawn leh ang.

Qualifier 1-a hnehna chang zawkin final an lut nghal dawn a, qualifier 2-a hnehna changin May 21-a khelh tur final an lut ve dawn bawk a ni.

Inkhel Results
Delhi Daredevils 168/8 (20) vs Rising Pune Supergiant 161/7 (20)
*Run sarihin Delhi an chak
Gujarat Lions 154/10 (19.2) vs Sunrisers Hyderabad 158/2 (18.1)
*Sunrisers-in wicket riatin hnehna an chang
Mumbai Indians 173/5 (20) vs Kolkata Knight Riders 164/8 (20)
*Run kuain Mumbai Indians an chak
Kings XI Punjab 73/10 (15.5) vs Rising Pune Supergiant 78/1 (12)
*Wicket 9 in Pune an chak