Younus leh Misbah an chawl ta

Pakistan captain Misbah-ul-Haq leh legendary batsman Younus Khan-te chuan Inrinnni khan Pakistan tan West Indies laka an test match hnuhnung ber khel chungin international cricket an chawlhsan ta.

Kum 42-a upa Misbah hian thla hmasa khan Windies nen test match thum an khelh zawh hnuah international cricket a chawlhsan tur thu a puang a, Misbah-a'n a chawlh tur thu a puan aṭanga ni hnih hnuah Younus hian chawlh a puang ve leh a ni.

West Indies leh Pakistan ten test seriers match thum an khelh tura match thumna chu nimin thleng khan khelh a la ni a, Misbah leh Younus hi Inrinni khan 57-3 an nih laia lo lutin Misbah hi run hnih chiah a siam hman tiha a out laiin Younus hian run 35 chiah a siam thung. Test match hmasa pahnihah team pahnih hi vawi khat ve ve chakin match hnuhnung ber result kan hre hman lo.

Younus hian Pakistan tan test match 118 khelin run 10,099 a siam a, cricket-a test run sing chuang siam thei 13 zinga mi a ni a, Misbah hian test match 75-ah run 5,222 zet a siam bawk.