Mizoram 1-1 West Bengal

Premier League match hnih chiah khelh tur nei tawh Arsenal-in Champions League khel turin Liverpool leh Manchester City an elpui mek a, dinhmun chhe bera ding ni mah se manager Arsene Wenger erawh a buai phah lo.

Arsenal boss chuan, "Top four-ah tling lo pawh ni ila he club kalphung leh hruai kan tum dan hi a buai phah dawn lo a, transfer bazar-ah pawh nghawng a nei lo ang," a ti.

Gunners-in tun season-ah beisei an phak lo a, fans zingah French manager hi chhuak tura duhtu an pung zel. Mahse, Wenger erawh a buai lo. Nimina press conference-a neihah Wenger hi a hmalam hun zawh a ni a, "Hriat duh thil in nei tih ka hria a, mah se engmah sawi ka tum lo," tih chu an zawhna a chhanna a ni.

Wenger-a'n kum 1996 aṭangin Arsenal a enkawl tawh a, Champions League a la khelhpui lo ngai lo. Tun dinhmunah erawh top four huang chhunga season khar turin an hmabak match hnih chak mai piah lamah City leh Liverpool tawlhthluk an chan a ngai tawh.

French manager chuan, "Point 72 kan nei mek a, 75 kan nei a nih chuan season hmasaa kan point hmuh aiin point liin kan hmu tam tihna a ni dawn. Kan match hmabaka chak zel hi kan tum chu a ni mai a, hun harsa tawng mah ila kan insiamṭha tawh. Game tinah kan hmasawnna hmuh tur a awm zel a, buaina ka nei lo," tiin a hlauthawng lo hle.

Arsenal hian zanin dar 12:15-ah Sunderland an mikhual dawn a, dar 12:30-ah City chuan West Brom an mikhual ve leh bawk ang.