Zaninah Indian Premier League Qualifier 1

Cricket club inelna ngaihhlut hlawh tak Indian Premier League qualifier 1 chu zanin dar 8:00 hian Mumbai Indians leh Rising Pune Supergiant-ten an khel dawn a, he inkhela chak zawk hian final an lut ang. Hnehna chang zo lo pawhin qualifier 2-ah chance an nei leh dawn tho a, eliminator round-a hnehna chang zawk chu final luh tumin an hmachhawn leh dawn a ni.

Table chung ber luah chunga season khartu Mumbai Indians tan an batting line-up chu innghahna an ni leh dawn a, Lendl Simmons, Kieron Pollard, Parthiv Patel, cap­tain Rohit Sharma leh Nitish Rana-te hi bowler tan chun mut ti tui lo tham an ni. Pune hi hlauthawng lutuk tur erawh an ni lo - Mumbai Indians batsman ho vawm out tur chuan Jaydev Unadkat (21 wickets), Shardul Thakur (8 wickets) leh Dan Christian (9 wickets) te bowling line-up tluka thlan tur an tam chuang lo.

Hriatreng tur chu hei hi a ni - league round-ah club pahnih hi vawi hnih an inhmachhawn a, Pune club-in hnehna an chang ve ve.

Nizan Inkhel Result
Royal Challengers Bangalore 161/6 (20) Vs Delhi Daredevils 151/10 (20)
*Run 10-in Bangalore an chak