Vettel hnehin Hamilton a chak

Lewis Hamilton chuan a vawi li nana Formula 1 champion nih a tum zia a lantir leh ta. Pathianni a tlan zawh tak Spanish Grand Prix-ah Hamilton hian hnehna a chang a, driver championship-ah pahnihna a nih chhunzawm.

British driver Hamilton-a'n Formula 1 car a khalh china a vawi 64 nan pole position aṭangin bul ṭan mah se a elpui Vettel lakah a dinhmun a hloh a, lap 66 tlan tura lap 44-naah a dinhmun ngai luah lehin second 3.5 in hnehna a chang ta a ni.

Mercedes driver Hamilton hian tun season intlansiak panga awm tawh zingah vawi hnih hnehna a chang tawh a, intlansiak a hmachhawn tawh zawng zawngah vawi 55 a chakna chiah a ni bawk. Season kal laiah British driver Hamilton hian point 98 hmuin a chungah hian point 104 hmutu Vettel chiah a awm.

Spain-a intlansiakah hian Force India an cheṭha hle, Indian team tan hian Sergio Perez chu palinaah thlengin a hnung chiahah a teammate Esteban Ocon a thleng ve bawk.

Spanish Grand Prix Results
1 Lewis Hamilton Britain Mercedes
2 Sebastian Vettel Germany Ferrari
3 Daniel Ricciardo Australia Red Bull
4 Sergio Perez Mexico Force India
5 Esteban Ocon France Force India
6 Nico Hulkenberg Germany Renault
7 Pascal Wehrlein Germany Sauber
8 Carlos Sainz Spain Toro Rosso
9 Daniil Kvyat Russia Toro Rosso
10 Romain Grosjean France Haas