MFA Futsal Committee thuchhuah

AIFF rawtna angin Mizoramah Football Asso­ciation chuan Futsal Committee dinin hlawhtling takin MFA Futsal Cup 2017 chu a kalpui ta a, team tel zawng zawngte chungah MFA Futsal Committee chuan lawmthu a sawi.

June, 2017 aṭang hian MFA season thar inṭanin Futsal hi lian tham taka kalpui a ni dawn a, registration mumal taka kalpuiin tournament ṭhahnem tak siam a ni ang. Hmeichhe pual Futsal inelna bakah kum bithliah (age category) inelna pawh a tam thei ang siam tum a ni.

Hei bakah hian Futsal League ṭha tak siam turin inbuatsaih chhoh mek a ni tel bawk a, Futsal khel thiamte lo inring tura ngen an ni.

Hetihlai hian MFA-in Futsal a kalpui hnuah MFA buatsaih ni lo leh MFA recognised tournament ni loa khel lo turin MFA/DFA/Zone FA player-te hriattir an ni a, MFA hriatpui loh inelnaa telte chu an registration paihsak thlenga hrem theih an ni ang.

Issued by Information and Publicity Committee, MFA