Centre of Excellence atan trial

Mizoram Football Association leh Tata Trusts thawhdunna hnuaia football zirna din tur Centre of Excellence, Mualpui, Aizawla awm tur zawnna chu May thla chhung hian Mizoram hmun hrang hrang Lawngtlai, Serchhip, Champhai leh Aizawl-ah neih a ni dawn.

Players zawnna hi May 17-ah Lawngtlai-ah neih ṭan a ni dawn a, Siaha leh Lawngtlai district huam chhunga naupang tan tel theih a ni ang. A thawh hnihna chu May 19-ah Lunglei leh Serchhip district huam chhung tan Serchhip-ah neih a ni ang a, May 24-ah Champhai-ah Champhai district tan neih niin May 30 leh 31-ah Aizawl, Kolasib leh Mamit district tan neihtur a ni dawn bawk a ni.

Centre of Excellence-a awm tur hian kum 2003-2007 inkara piang nih a ngai a, original birth certificate keng chungin trial hi chhim tur a ni dawn a ni. Hmun thlan bik palia trial neih zawh a nih hnuah hian CoE enkawltu tura coach lo kalte hona hnuaiah Aizawl-ah final selection hmachhawn leh tur a ni ang.

Trial neih dan tur
A hun A hmun
May 17 Lawngtlai (Siaha & Lawngtlai District tan)
May 19 Serchhip (Lunglei & Serchhip District tan)
May 24 Champhai (Champhai District tan)
May 30 & 31 Aizawl (Aizawl, Kolasib leh Mamit District tan)