Lebanon inhnukdawk

AFC Asian Cup 2019 qualifier khel tura in­­­buat­­saih mek India-in Kyrgyz Republic nen an inhmachhawn hmaa friendly match khelhpui turin Lebanon beisei mah se FIFA ranking-a 137-na ram hi visa chungchanga buai­na avangin an inhnuk­dawk.

India coach Stephen Constantine chuan Asian Cup atan India-in inbuatsaihna ṭha zawk an neih theih nan Andheri Sports Complex, Mumbai-ah Lebanon hi friendly match khelhpui a tum a ni.

Lebanese FA chuan an player-te chu India an lo thlen huna visa pek chawp mai turin dilna an thlen a, hei hi an players tam zawk ram pawna an khelh avanga hma taka visa an buaipui theih dawn loh vang a ni. Mahse, India sorkar chuan a rem ti lo a, Lebanese FA chuan inhnuhdawh mai a thlang ta zawk.

All India Football Fe­deration (AIFF) chuan June 13-a Kanteerava sta­dium, Bengaluru-a Asian Cup qualifier match khelh hma ngeia India nena friendly match khel thei tur ram zawng leh nghal mah se hun a tlem tawh avangin India hian friendly match khelh miah loa Kyrgyz Republic an hmachhawn a rinawm zawk.