Champhaiah AIFF D License Course

May 23-27, 2017 chhung hian, AIFF D License Course chu Champhaiah neih a ni dawn. Hetah hian Champhai DFA leh Champhai District chhunga SSA-MFA Grassroots Centre hrang hranga trainer-te duhsak an ni.

Hei bakah hian candidate panga tan hmun ruak a la awm a, Mizoram chhung khawi aṭang pawhin a dil theih.

May 20, 2017 tlai Dar 3:00 hmain MFA Office, City Park-ah course fee Rs 4,800/- pein inziah luh theih a ni. Diltu chu Football chinchang hria, English-a exam paper chhang thei a ni tur a ni. A dil hmasa apiang duhsak an ni ang.

AIFF D License hi coaching-ah chuan a bul ṭhut a ni a, hemi license nei lo tan AFC C License Course leh a aia sang zir zawm theih a ni lo. D License nei tan hian Mizoram Premier League club enkawl theih a ni a, Mizoram chhung ngeia zir theih a nih hi chanchin lawmawm a ni a, phaia zir dawn chuan kalna senso leh thlenna man tiam loin tuna tuna senso let hi sen a ngai a ni.