Player langsar tel loin Germany
FIFA Confederations Cup 2017 chu June 17 - 2 July inkar khian Russia-ah khelh a ni dawn a, World champion Germany boss Joachim Low chuan he inelnaa tel tur squad puangin player koh zingah Toni Kroos, Thomas Muller leh Mesut Ozil-te an tel lo.
Player 23 zingah ram tana la inlan ngai lo player pasarih ngawt koh an ni a, playmaker Kerem Demirbay leh striker Sandro Wagner (both Hoffenheim), winger Amin Younes (Ajax), midfielder Diego Demme (RB Leipzig), goalkeeper Kevin Trapp (Paris St-Germain), defender Marvin Plattenhardt (Hertha Berlin) leh striker Lars Stindl (Borussia Monchengladbach)-te chu a vawi khat nana Germany kawr ha tura koh an ni.
Germany boss Joachim Low chuan, "Kan naute hi he team kalphung, kan ruahmanna leh kan ngaihtuahnate min ṭawmpuia hrethiam turin kan duh a, chumi chu rilrua dah chungin kan ko. Khawvel huap inelna hautaka tawnhriat an neih hi kan duhsak a ni," tiin player thar an koh chhan a sawi.
Germany squad
Goalkeepers: Bernd Leno (Bayer Leverkusen), Marc-Andre ter Stegen (Barcelona), Kevin Trapp (PSG)
Defenders: Matthias Ginter (Borussia Dortmund), Jonas Hector (Cologne), Benjamin Henrichs (Bayer Leverkusen), Joshua Kimmich (Bayern Munich), Niklas Sule (Hoffenheim), Marvin Plattenhardt (Hertha Berlin), Skhodran Mustafi (Arsenal), Antonio Rudiger (AS Roma)
Midfielders/Forwards: Julian Brandt (Bayer Leverkusen), Emre Can (Liverpool), Kerem Demirbay (Hoffenheim), Diego Demme (RB Leipzig), Julian Draxler (PSG), Leon Goretzka (Schalke), Sebastian Rudy (Hoffenheim), Leroy Sane (Man City), Lars Stindl (Borussia Monchengladbach), Sandro Wagner (Hoffenheim), Timo Werner (RB Leipzig), Amin Younes (Ajax).