Atletico an chak zel

Season thara Champions League khelh beisei Atletico Madrid chuan an beiseina chhi nung turin hnehna an chang leh ta a, an mikhual Alaves chu 2-1 in an hneh. 

Atletico tan Saul Niguez leh Diego Costa (penalty) ten goal khat ve ve an khung a, Alaves-in hun pek belha Joselu penalty hmangin goal khung ve mah se thawhlehna hun a awm tawh lo. 

Diego Simeone-a naute hian match li chhung chu a zawnin hnehna an chang ta a, La Liga table-a pathumna dinhmun chu an sawh nghet zel. 

Hetihlai hian Champions League khel tura Atletico elpui ber Sevilla chuan an mikhual Real Valladolid chu 1-1 in an inhnehtawkpui a, a zawna match li draw result an neihna a nih tak avangin palinaa an dinhmun a derthawng ṭan.