Poirier-a tlawm duh lo

Nimin khan UFC Fight Night, Las Vegas-ah Dustin Poirier chuan thisen tam tak chhuak chungin Dan Hooker chu unanimous decision (48-47, 48-47, 48-46)-in a hneh a, September-a Khabib Nurmagomedov a ngam loh hnuah hnehna nen a lo kir ve leh ta. 

Entu awm loa fight inhmachhawnah hian kum 31 mi fighter hi round hmasa pahnihah chuan a chak lo zawkah a ṭang a, mahse comeback ropui lantirin a tawpah a chak zawk. 

Dustin Poirier chuan, "Kha kha fight dik tak chu a ni e. Kan hmaa chona inchhawp paltlang tur a awm loh chuan fight tak tak a tling zo lo ṭhin a, kha kha chu fight dik tak a ni," a ti. 

Fighter pahnih hian vawi 390 ngawt an hnek chhuak a, UFC lightweight chanchina match khata hnek chhuak tam ber record an siam - heng zinga vawi 208 chu Poirier-a hnekchhuah 

a ni. 

Covid-19 hri leng karah UFC-in theihtawp an chhuah reng a, tuna Poirier leh Dan inhnek hi UFC Apex, Las Vegas-a kar nga chhung a zawna fight an buatsaihna a ni ta.