Konta ngam loh Venus

British number 1 Johanna Konta chu Italian Open last 16 aṭanga vuak tlak a ni, a ngam loh chu kum 26-a upa Venus Williams a ni.

Ningani zan inkhelah Venus hian 6-1, 3-6, 6-1 in hnehna a chang. Grand Slam vawi sarih champion tawh Venus hian Garbine Muguruza a hmachhawn leh ang. Kum 2016 French Open champion Muguruza hian Germany nula Julia Gorges chu 7-5, 6-4 in a hneh ve bawk.

Inkhel dangah world number 1 Angelique Kerber hnehtu Anett Kontaveit-i'n a mumang a la chhunzawm zel a, seeded 16-na Mirjana Lucic-Baroni 6-1, 6-1 in a hneh. Anastasia Pavlyuchenkova 6-1, 4-6, 6-0 a hnehtu Simona Halep nen an inhmachhawn leh ang.