Footballer tan lemchan a rem lo!

English football a thuneitu sang ber Football Association chuan season thar aṭang chuan dan thar an hmang tawh dawn a, he dan thar ang chuan player zingah inkhelh laia tlu der an awm chuan inkhel thei lo tura hrem an ni zel tawh dawn!

Ningani khan FA chuan annual general meeting an nei a, he hunah hian he dan thar hi an pass a ni. Dan thar ang chuan player tlu der nazawng hrem tur an ni dawn chuang lo a, an tluk der avanga penalty an hlawh emaw an khingpui player-in yellow card emaw red card a hmuh chuan player tlu der chung­chang hi ngaihtuah leh ṭhin tur a ni ang.

FA chuan player tlu­der te chungchang ngaihtuah ṭhin tur hian match official, manager leh player lo ni tawh ṭhin aṭangin pakhat ṭheuh an ruat dawn a ni.