Isinbayeva ban duhtu WADA

World Anti-Doping Agency (WADA) chuan Russian Anti-Doping Agency (RUSADA) chu an kalphung nena inrem anga pawm an ngai dawn a nih chuan an hotunu Yelena Isinbayeva ban a nih phawt an duh thu an sawi.

WADA hian kum 2015 khan RUSADA hi dan zawh famkim loah an lo puh tawh a, an thawkho dawn a nih chuan WADA thil phut pali an ti hlawhtlin a ṭul thu sawiin heng zingah hian Olympic pole vault vawi hnih champion tawh Isinbayeva ban hi a tel a ni.

Rio 2016 Olympic-ah khan WADA chuan Russia hian an infiammite intih chakna damdawi hman chungchangah dan an bawhchhia nia sawiin an telve a lo phalsak lo tawh a, hemi chungchangah hian Isinbayeva hian na takin International Association of Athletics Federations a lo sawisel tawh.