MFA-in buaina chhuak an dem

LBS Suzuki All Mizo-ram Inter Village Football Tournament 2022 quarter-final-ah Ramhlun North-in Armed Veng South 2-1 in an hneh a, inkhelh banah a chak lo zawk AVS-in buaina an siam.

Nimin khan Organi-sing Board chuan thu-chhuah an siam a, MFA Disciplinary Committee-in AVS chungchang an ngaihtuah zui ang.

MFA chuan, "Match official chunga player-ten tharum an thawh leh inkhelh zawha match official-te kutthlak tuma team supporter ten gate tichhhiaa, bang pawt ṭhiata, match official-te awmna luhchilh a, sorkar bungrua paih darha inkhelhna hmuna bawlhhlawh tam tak an paih lut leh tournament sponsor-te banner tam tak an tichhia kha pawi a tiin a dem tak zet a ni.

"MFA chuan kan match official-te chunga tharum thawhna hi kan duh lo va, an laka tharum thawhtute chungah hian Disciplinary Committee-in dan ang takin hma a la dawn a ni," tiin thuchhuah an ti chhuak.