Han-i hnehtu Sindhu a tlang

Nimin khan PV Sindhu chuan Han Yue hnehin Singapore Open Super 500 Tournament-ah quarterfinal a paltlang. Vawiin hian Japanese nula Saena Kawakami nen final luh inchuhin an inhmachhawn zui leh nghal ang.

World number 7 Sindhu hi awlsam takin a chak mai bik lo. Darkar khat leh minute hnih an inkhelh hnuah 17-21, 21-11, 21-19 in hnehna a chang; Chinese player nen hian vawi thum an inhmachhawn tawhah Sindhu hi a chak vek.

Inkhel dangah world number 38 Kawakami hi Thailand player Pornpawee Chochuwong chu 21-17, 21-19 in a lo hneh ve bawk a, semifinal-a inkhel tur pahnih hi an ṭhat dun avangin a hmuhnawm ang.

Indian player dang Saina Nehwal leh HS Prannoy te pawhin quarterfinal an lut a, nizan khan match neiin an result erawh kan hre hman lo thung a ni.