Davis Cup leh Fed Cup khelh hun sawn

Ram leh ram mipa tennis team hmanga inelna Davis Cup leh hmeichhe team inelna Fed Cup te chu kuminah a hmawr bawkna neih theih a ni dawn lo, nakkum lamah neih tura ruahman a ni.

International Tennis Federation-in a ruahman dan chuan Davis Cup Finals chu nakkum November thla hian Madrid khawpuiah khelh a ni ang a, hmeichhe inelna Fed Cup chu February thla hian Mexico-ah khelh a ni thung ang.

ITF chuan thuchhuah siamin, "Tunlai khawvel boruak thlirin mipui punkhawmna ang chi thlengtu nih chu thil nuam tak a ni lo a, keini chuan a theih chin chinah pumpelh kan tum. Kuminah theih loh mah se nakkumah chuan tluang taka neih theih kan beisei," a ti.

Covid-19 vangin March thla aṭang khan tennis inelna pangngai a awm thei tawh lo a, July thla tawp leh August thlatir lamah hian inelna ṭhenkhat chu neih ṭan leh theih an beisei - a hmunah entu fans erawh an awm rih lo ang.