NBA player 16-in hri an kai

Basketball inelna sang NBA chu July 30 aṭangin khelh chhunzawm an tum a, chumi tur atan chuan player ten Covid-19 an kai em tih endik runpui neih a ni a, hri kai 16 hmuhchhuah nghal an ni.

Player 302 endik an ni a, coronavirus kai an hmuhte hi midang tlawh pawh lo tura khung hran niin natna an nei lem lo a, hun rei vak lo hnuah chuan hripui lak aṭang hian an fihlim thei mai tura ngaih a ni.

NBA khelh hmabak hi playoff khelh la beisei thei chin team 22 chauhin an khelh chhunzawm tawh dawn a, hmun hran hrana kal kual loin Disney World Resort-ah an khel vek tawh ang.

Player-ten July 1 aṭangin mimal training an nei thei ang a, July 9-29 chhung hian team training an nei chhunzawm ang. Regular season khelh hmabak bakah hian playoff leh NBA Finals khelh tur an la nei.