Dominic Thiem a chak lo

Swedish Open-ah Dominc Thiem a inlan a, match hmasa pahniha a chak hnuin Sebastian Baez a ngam lo. Zirtawpni zan quarterfinal inkhelah Thiem hi 6-2, 6-7, 6-4 in a chak lo zawkah a ṭang.

Set khatna a hloh hnuah Thiem a insiamṭha hleithei lo, set hnihnaah pawh 1-3 in a hniam hman. Tie break khelhpui leh hramin set a la a, a hnuhnung berah erawh Baez chu dan theih lohin a tlang nghal.

A tum rang thleng thei rih lo mah se Thiem tan lawmna tur a ni. Hliam vangin hun rei tak chhung a chawl a, chumi hnuah ngai a la awh leh thei lo. A zawnin match 10 chhung a chak lo hial.

Tun tournament-ah erawh a match hmasa pahnihah a chak, a tan chuan chanchin ṭha a ni. Grand Slam khelh hmabak US Open ṭan hmain intuaihriam nan inelna dang a hmachhawn leh ngei ang.