Djokovic-a coach-in hripui a kai

Tennis mipa world number 1 Novak Djokovic-a coach Goran Ivanisevic chuan Covid-19 a kai tih hmuhchhuah a ni leh a, ani pawh hian Adria Tour aṭangin hripui hi a kai a ni..

ATP leh WTA hnuaia inelna a awm loh laiin Djokovic leh a thurualpui ten inelna an siamchawp a, Croatia rama inelna an neih ṭum hian Ivanisevic chu tournament director a ni, player bakah a hmunah entu an pungkhawm.

Adria Tour aṭang hian Djokovic leh player langsar dang pathum chu coronavirus an kai tih hi hriat a ni tawh bawk. Hri an kai darh avang hian Grand Slam vawi 17 champion tawh Djokovic chuan mipui lakah ngaihdam a dil hial.