India tana gold pahnih latu Jeho-a

South Asian Junior and Cadet Table Ten­nis Championships 2017-ah Jeho Himnakulh­pui­ngheta chuan India tan cadet boys single leh team-ah gold medal a la, team inelna lamah a champion pui bawk.

St. Thomas' College Indoor Stadium-ah nimin khan kum 16 hnuailam inelna hi final khelh a ni a, Mizo naupang duhawm Jeho-a hian India aiawh ve tho Chinmaya Somaiya chu 3-1 in a hneh.

India number 1 Jeho-a hi tun ṭumah hian seeded pakhatna a ni a, group stage-ah Maldives nau­pang Sujau Thabin leh Mritunjoy Bosu te chu 3-0 ve ve in a sawp; semi­final-ah Bangladesh aiawh Mohutasin Ahmed chu 3-0 in a hneh leh bawk.

Lunglei Salen Veng naupang Jeho-a chuan, "June thla hian South Korea-ah Asian Junior and Cadet Championship kan khel leh dawn a, he hunah hian ṭha taka ka khelh leh theih nana min lo ṭawngṭaipui turin Mizo mipuite ka ngen," tiin Vanglaini a hrilh.

Tun ṭumah hian India, Sri Lanka, Pakistan, Bang­ladesh leh Maldives ten player an tir a, league round-ah inkhel kualin India hian 3-0 in an hneh vek.