Match 12 chak zawn thei Monaco

AS Monaco chuan Inrinni zan khan tun season-a an Ligue 1 match hnuhnung ber an khel a, a zawna vawi 12 an chak zawnna ni turin Rennes 3-2 in an hneh.

French champion Monaco tan hian Fabinho, Jemerson leh Oliveira Moraes ten goal an khung a, tun season-ah vawi 30 an chakna niin Paris St-Germain record lo siam tawh chu an nihrual chiah.

Inkhel dangah Marseille chuan Europa League khel phak turin Bordeaux 1-0 in an hneh a, pangana an ni. Bastia erawh Lorient nen 1-1 a an inhnehtawk avangin season tharah chuan Ligue 2 lamah an inlan a ngai ang.

PSG-in season khar nan beisei ang result an hmu lo, Unai Emery naute hi Caen nen 1-1 in an inhneh­tawk - PSG hian champion Monaco hi point riat zetin an phak lo ta a ni.

French Ligue 1 aṭang hian Bastia bakah Nancy an tla chiang tawh a, table-a 18-na Lorient hian Ligue 2-a pahnihna Troyes nen karlehah playoff an khelh a ngai dawn. French league hian kum 1993 khan playoff khelh hi an lo titawp tawh a, kuminah an hmang thar leh a ni.