Bhutan-ah Mizo Taekwondo team

Mizoram Amateur Taekwondo Association (MATA) chuan Bhu­tan International Open Taekwondo Champion­ship vawi thumna khel turin player 31 a tir chhuak. Mizoram team hian nimin khan Aizawl an chhuahsan a, SYS coach Joseph Lal­siama, MSSC coach R. Lalchhandama leh R. Lal­rinmawia ten an hruai a ni.

Inelna hi Thimphu, Bhutan-ah neih tur niin May 26-28 chhunga neih tur a ni dawn a, Mizo player zingah hian tualchhung bakah national leh international level pawha hming lo chher tawh National Poomsae champion R. Lalchhandama leh Lalhlimpuii te, Bhutan Open-a gold la tawh C. Zoramsanga leh C. Vanlalhuma te leh F. Lalrempuii leh Johny Vanlalruatsanga te an tel.