Bundesliga top scorer Aubameyang

Pierre-Emerick Auba­me­yang chuan Werder Bremen lakah tun season Bundesliga-a a goal 31-na khungin top scorer a ni. Borussia Dortmund striker hian Bayern Mu­nich thiampuipa Robert Lewandowski chu goal khatin a khum.

Inrinni zan khan tun season atan Bundesliga khelh zawh a ni a, Dort­­mund chuan an match hnuhnung berah Bremen 4-3 in an hneh a, Hoffenheim lehpelin league table-ah pathumna niin Cham­pions League an khel dawn. He inkhelah hian Aubameyang leh Marco Reus te chuan goal hnih ve ve an khung.

Inkhel dangah Hoffen­heim leh Ausgburg te goal awm loin an inhnehtawk. Hoffenheim hian point 62 hmuin league table-ah palina an ni a, Champions League playoff an khelh a ngai ang.

Bundesliga club 18 aṭangin Ingolstadt leh Darm­stadt 98 te an re­legate a, Wolfsburg chuan an elpui Hamburg 2-1 an hneh loh avangin season thara German club-te inelnna sang ber khel zui turin playoff an khelh a ngai dawn a ni.