Europe rawlthar zingah Spain thiam ber

Croatia-a UEFA U-17 European Championship 2017 khelh chu Zirtawpni zan khan final khelh a ni a, Spain chuan final-ah England chu penalty hmanga 4-1 a hnehin an champion. La Roja (Spain sawina) hi Euro U17-a vawi kua an champion-na a ni a, record thar a ni.

England-in Callum Hudson-Odoi leh Phil Foden hmangin vawi hnih lai hmahruai mah se Spain-in Mateu Morey leh Nacho Diaz hmangin an si phurh an sut ve ve - substitute Nacho goal khung phei hi chu hun pek belha lut a ni a, penalty-a tlawm zui ta England an vanduai takzet.

Euro U17 2017 inelna hi Octo­ber-a India rama FIFA World Cup U17 khelh tura Europe aiawh tur zawnna atan hman nghal a ni. UEFA-in a hmun ruak panga an neih chu Spain, England, France, Ger­many leh Turkey ten an luah ang.

Spain, England, Turkey leh Germany-te chu semifinalist an nih avanga tling an ni a, quarterfinal-a hnehna chang lo team pali zing aṭangin group stage lama point hmu hnem pahnihin playoff an khel leh a, France chuan 1-0 a Hungary hneh­­in India an rawn pan dawn a ni.