Napoli-in record siam

Inrinni zan Serie A inkhelah Napoli chuan an mikhual Fiorentina 4-1 in an sawp a, point 83 hmuin an club chanchina point an hmuh hnem ber ṭum an tawng.

Napoli tan hian Dries Mertens chuan goal hnih a khung bakah Lorenzo Insigne leh Kalidou Koulibaly ten goal khat ve ve an khung bawk. Naples club hian kum 2015-16 season khan point 82 hmuin an club record thar an lo siam tawh a, tunah chuan league match pakhat khelh hmabak nei chungin record thar an siam ta.

Inkhel dangah AS Roma chuan Chievo 5-3 in an luhchhuah, Roma hian point 84 hmuin hmahruaitu Juvnetus chu point khat chiahin an phak lo. Mahse, nizan khan Juve hian Crotone an mikhual a, hnehna an chang a nih chuan Turin club hi an champion chiang tawh dawn a ni.