Goal khung tam ber Lewandowski

Bayern Munich striker Robert Lewandowski-a'n goal 34 khungin Bundesliga top scorer a ni a, a vawi nga nan Torjagerkanone (Laipui) a dawng. 

Kum 31 mi Lewandowski hi kum zawnin vawi thum top scorer a ni a, hemi hma hian Bayern Munich leh Borussia Dortmund tan vawi khat ve ve top scorer a ni tawh. 

Lewy tan tun season hi Bundesliga-a goal a khung tam ber ṭum a ni a, amah aia season khata goal khung tam thei chu Bayern legend Gerd Muller chiah a awm. Gerd Muller hian 1971–72, 1969–70 leh 1972–73 season khan goal 40, 38 leh 36 a khung a, 1976–77 season khan FC Cologne striker Dieter Muller-a'n goal 34 a khung ve bawk.

Polish striker hian tun season inelna hrang hrangah goal 49 a khung tawh a, DFB Pokal final-ah Bayer Leverkusen an la hmachhawn dawn bakah UEFA Champions League khelh tur an la neih avangin goal 50 a khung ngei a rinawm hle.