Rangers-ah Reds defender a lut dawn

Scottish Premiership club Rangers chuan Liverpool defender Ben Davies chu lalut turin inremna an neihpui a, a man hi pound maktaduai li thlenga sang chho thei tur a ni.

Rangers hian pound maktaduai thum an pe phawt ang a, a khelh ṭhat dan a zirin pound maktaduai khat deuhthaw an pe leh bawk ang.

Davies hian February 2021 khan Preston North End aṭangin Reds hi £500,000-in a zawm a, hetihlai hi Liverpool-in hliam vanga centre back-a harsatna an tawh vanglai kha a ni.

Mahse, heti chung hian Reds tan Davies a inlan phak lo a, season hmasa kha Sheffield United-ah loan-in a khel - match 23 inlansakin goal khat a khung.

Blackburn leh Middlesbrough pawhin Davies hi lakluh an duh nia sawi a ni a, Burnley leh Stoke City pawhin season khat chhung loan-a hawh an duh.

Mahse, English defender hian Rangers pan a thlang a, a career-a a vawi khat nan English club ni lo tan a khel dawn.

Rangers hian an defender pawimawh Calvin Bassey chu Ajax hnenah pound maktaduai 20 thlenga a man sang chho thei tura hralh an rem ti a, Bassey hmun ruak luah turin Davies lam an hawi ve lehnghal a ni.