A vawi khat nan Cerundolo a champion

Francisco Cerundolo chuan tennis a khelh chhunga a vawi khat nan ATP title a tla. Pathianni zan khan amah ang bawka Argentina player Sebastian Baez hnehin Swedish Open nomawi a chawi.

Kum 23 mi Cerundolo hian nomawi inchuhna inkhelah hian 7-6 (7/4), 6-2 in hnehna a chang, a match hmasa lamah seeded pakhatna leh French Open finalist ni bawk Casper Ruud a lo hneh tawh bawk.

Cerundolo hian February thla khan Buenos Aires-ah quarterfinal a lut a, March thla khan Miami Open-ah semifinal a thleng bawk. Tunah chuan final lutin a hlawhtlin hun a nghak chhuak ta a ni.

Tournament-ah hian Dominic Thiem pawh a inlan, Australian star hi match hnih a chak hnuah Sebastian Baez hneh loin quarterfinal-ah a tla. Tun kar chhunga khelh tur Swiss Open-ah Thiem hi a inlan leh ang - US Open inbuatsaihna a ni nghal zel ang.