Fak phu Flick

Bayern Munich tan Bundesliga champion hi thil thar a ni lo a, chutihrualin tun season erawh a danglam. Bayern Munich-in Niko Kovac hoin season bul an ṭan a, Bundesliga club ṭha zinga mi an ni a, mahse nomawi humhim lo thei dinhmunah an ding.

Bavarians-in Novem-ber 2 khan 5-1 zetin Eintracht Frankfurt an hneh lo a, hetihlaia hmahruaitu Borussia Mon-chengladbach chu point liin an pha lo. Bayern-in manager lailawk atan Flick an ruai a, danglamna thlentu a ni.

Season a tawp meuh chuan Bayern chu Bundesliga club ṭha ber an ni leh tawh a, club dangin an el pha lo. Bavarians hi anmahni hnaih bertu Borussia Dortmund aiin point 13 in an sang zawk.

Kum 55 mi Hansi Flick chuan, "Mahni chauhina hlawhtlinna a chan theih loh. Hlawhtlinna hi a huhoa chan theih a ni a, ka tel ve thei hi ka lawm a ni. Kan team chhung kan inlungrual a, kan thawh hona a ṭha hle," tiin a lo sawi tawh a, Bavarians champion-na kawngah hian Flick hian fak a 

phu hle.