Tennis Hall of Fame-ah Lleyton Hewitt

Player ṭha leh ropui bikte awmna tennis hall of fame huangah Lleyton Hewitt chu seng luh a ni. Ruahmanna hmasaah chuan nikum khan lakluh tawh tur a ni a, mahse hripui lengin a tih khawtlai avangin kuminah an lalut.

Australian legend Hewitt hian Grand Slam pahnih - US Open 2001 leh Wimbledon title 2002 te a la, tennis a khelh hun chhungin nomawi 30 a chawi tling hial. An ram mipa team hi 1999 leh 2003 khan Davis Cup-ah a champion pui bawk.

Kum 41 mi Hewitt chuan, "Lawmthu sawi tur pawhin kum khatin ka khawtlaia a, hri leng vangin ka zin chhuak thei lo kha pawi ka ti. Ka tan chuan hetiang huanga awm ve hi a hlu, keima tan chauh ni loin kan chhungkua leh ṭhiante nen kan lawm," tiin a sawi.

Hewitt hian 2001 leh 2002 kha world number 1 ni chungin kum tawp hun a hmang, tennis a khelh hunchhung zawng khan match 616 zetah hnehna changin, ṭum 262 chu a chak lo zawkah a ṭang thung.