Arsenal leh Zinchenko an inrem

Manchester City defender Oleksandr Zinchenko chuan Arsenal a zawm dawn. Gunners hian pound maktaduai 30-in an lei dawn a, a man zat hi pound maktaduai hniha pun belh leh thei tur a ni ang.

Ukraine international hi tunah chuan United States-ah season thar inbuatsaihin a awm mek, tunkar tawpah chuan England lamah kirin North London club hi a zawm fel ang, a club thar zawm turin London a pan dawn.

Pep Guardiola-a'n Man City a enkawl tirh khan Zinchenko hi a player lakluh hmasak zinga mi a ni, 2016 khan Etihad Stadium hi panin Premier League nomawi pali, FA Cup pakhat leh League Cup pali a chawipui tawh.

Man City tan match 128 a khel tawh a, defender ni mah se midfield-ah pawh a khel thei. Arsenal manager Mikel Arteta-a'n Man City assistant manager hna a thawh laiin an lo inhre ṭha tawh, a club tharah pawh hian a mikhual lo ang.

Spanish manager Arteta-a'n Man City aṭangin Gabriel Jesus a la fel tawh bawk. Jesus leh Zinchenko te hma hian Marquinhos, Matt Turner leh Fabio Vieira te an lo la tawh bawk a ni.