A dinhmun ngaiah Swiatek

Hmeichhe tennis thuneitu sang ber Women's Tennis Association chuan world ranking an ti chhuak thar a, a chung berah Iga Swiatek a awm chhunzawm. Poland nula hian a vawi khat nana number 1 dinhmun a luah hnuah amah umphak thei an la awm leh rih lo.

A sang zual 10 zingah chuan Jessica Pegula chuan tawn ngai loh a tawng, a hma lama player awm pakhat kal kanin number 7 dinhmun a luah, tennis a khelh tawh china a ranking san ber ṭum a ni hial.

Ranking thara sawi hlawh tak erawh Petra Martic a ni. Croatian nula hian kar hmasa khan Lausanne Open-ah nomawi a chawi a, tun ṭumah hian player 55 tehmeuh kal khumin 55-na dinhmun a luah, a tan chuan chanchin lawmawm a ni ang.

Budapest lama hlawhtlinna changtu Bernarda Pera pawhin player 49 a kal kan a, nomawi hmasa ber a chawi avang hian world number 81 dinhmun a luah ve bawk a ni.