A mak a maka tam entu mipui

Inkhelh ṭan hun chu tlai dar 3:00 a ni. Mahse entu an tam dawn tih mipuiin an hria a, tumahin tlai an duh lo - chawhma dar 10-ah pawh entu 16 an awm tawh.

Chhun dar 12 a nih meuh chuan Lammual a khat ti tih der tawh a, entu lah chu main gate aṭangin an lut nguah nguah reng.

Mipui luh nan gate pakhat chauh a awm a, ticket pawh uluk taka en theih a ni tawh lo. Luh pahin ticket chu an pholang a, an lut zel.

Tlai dar hnihah chuan ticket a zo tawh a, entu erawh an luh belh zel - ticket neite leh nei lote pawh an ni tawh ang.

Darkar chanve chauh a awm tih chuan Lammual khat tlat mipui an pungkhawm a, tlang a ni emaw fans ṭhutna lam mipui pawh ni se, nuam taka ṭhu an awm lo. A rem theih danin an ṭhu a ni ber.

Inkhelh ṭan hma deuhin ruah a sur a, mipui tan tawm hul theih a ni tawh lo. Nihliap neiin nihliap an khum a, mual sira awmte advertisement hoarding hmangin an inkhuh.

Mahse football vanga pungkhawm mipui an phun lo a, player-ten khelmual an rawn luh meuh chuan thawm a ṭha hle. Inelna buatsaihtu MFA-in hun an vawng dik a, dar 3:00-ah chiah inkhel an ṭan.