Italian Open champion Svitolina

Elina Svitolina-i'n Italian Open nomawi a chawi hnuah world number 1 nih a tum thu a sawi. Pathianni zan khan Svitolina hian Simona Halep hnehin WTA Masters 1,000 title hmasa ber a la.

Ukrainian star hian Romanian nula lakah set hmasa ber hloh mah se rang taka insiamṭhain 4-6, 7-5, 6-1 in hnehna a chang. Kum 22-a upa Svitolina hian kuminah match 31 hnehna a chang tawh a, ranking chhuak tharah parukna niin a tawn sang ber ṭum a ni.

Svitolina chuan, "Nitin hian ṭha zawka tennis ka khelh theih nan ka rilru leh taksa ka inbuatsaih ṭhin, ka thawhrim avangin a tawpah chuan inelna lianah ka champion ve ta," a ti. Svitolina hian ranking-ah a sang ber nih a tum ngam thu a sawi tel bawk.