Kane-a hnenah Golden Boot

Harry Kane chu Pre­mier League a goal khung hnem ber a ni. Tot­tenham Hotspur striker hian league match 30 a khelh aṭanga goal 29 khungin 'Golden Boot' a dawng.

League match khelh hmabak pa­hnih an la neih lai khan Kane hian Ro­melu Lukaku chu goal hnihin a phak lo, England inter­national hian Leicester City lakah goal li khungin Everton striker hi a lehpel a, an match hnuhnung bera Hull City 7-1 a an sawp ṭumin hattrick a siam zui leh bawk - Kane hnungah hian Lukaku (25 goals) leh Alexis Sanchez (24) te an awm.

Kum 23-a upa Kane hian season hmasa khan Golden Boot a dawng tawh, Premier League chanchinah season hnih chhung goal khung hnem ber ni zawn thei pangana a ni. Hetiang ti thei hnuhnung ber chu Robin van Persie niin Arsenal leh Manchester United tan 2011-12 leh 2012-13 khan top scorer a ni.

Kane chuan, "Kar hnih liamta vel lekah kha chuan hetiang din­hmun luah thei hi ka ni lo, ni li chhung leka thil inthlakthleng danglam dan hi a makin a ropui, ka tan thil chhinchhiah tlak leh hlu bik a ni," tiin a sawi.