Sports minister-in ball tlangzarh

Mizoram Premier League Season 9-a MPL-a ball hman tur Nivia Dominator chu, LBS Suzuki All Mizoram Inter Village Football final neih ṭum khan Lammualah sports minister Robert Romawia Royte chuan a tlangzarh. He hun hmang tur hian Rupinder Singh, Business Development Manager, Nivia Sports pawh a lo kal a ni.

He ball hi Nivia ball siam thar 'thermobond tech ball' an tih zinga mi a ni a, SAFF Under 20 Championship leh SAFF Under 18 Women's Championship-ah pawh hetiang hi hman a lo ni tawh.

Nivia hi MFA official ball & jersey partner an ni a, MFA leh a hnuaia club leh player-te tán an kut chhuak thil hrang hrangah special discount a kalpui mêk bawk a ni.