LCR Honda-ah Alex Rins

MotoGP rider Alex Rins chu tun season tawpah Suzuki tana a hun hman a zo dawn a, season tharah chuan LCR Honda tan intlansiak a hmachhawn dawn, season hnih chhung atan inremna an ziak.

Suzuki hian tun season tawp rualin MotoGP an chhuahsan tur thu an puang chiang tawh, an rider neih lai ten team dang an zawn a ngaih phah. Rins bakah hian Joan Mir pawhin team thar a neih a ngai dawn.

MotoGP intlansiaka vawi thum hnehna chang tawh Rins chuan, "LCR Honda Team ka zawm thei hi ka lawm. Team leh bike thlak hi chu a danglamin a harsa ṭhin, mahse theihtawp chhuahin ka bei dawn a ni.

"Honda lamin min ringtawk tih hriat hi ka tan chuan chanchin lawmawm a ni a, ka hmaa chona thar awm tur hi hmachhawn ka châk tawh hle," tiin a sawi a, a team thar tan hlawhtlinna chan ngei a tum.