MFA-in an hlawhtlinna lawm dawn

Mizoram Football Association chuan May 26, 2017 hian Annual General Body Meeting chu R. Deng-ṭhuama Hall, Mualpuiah a nei dawn a, chawhnu lamah tun hnaia MFA hlawhtlinnate lawmna hun hman nghal a ni dawn bawk a ni.

General Body Meeting hi chawhma dar 10:00-ahṭan tur niin chawhnu dar 2:00 aṭangin Mizoram football hlawhtlinna hrang hrang lawm a ni ang.

Kum 2017 hi MFA tan chuan kum ṭhat kum a ni a, MFA hian kum 2017 chhungin Khelo India Football leh National Sub Junior-ah champion nomawi an hlawh chhuak a, National Junior-ah final lutin Santosh Trophy-ah semifinal an thleng bawk. Mizoram Premier League a vawi hnih champion tawh Aizawl FC chuan I League champion niin India rama football club ṭha ber an ni bawk a ni.

MFA hruitu hlui sawmna

He hunh manpui tur hian MFA chuan tun hmaa MFA hruaitu lo ni tawh zawng zawng an sawm a, sawmna hmu lo palhte pawh May 26 chawhnu dar 2:00-ah Dengṭhuama Hall, Mualpuia kal turin an ngen a, zanriah kil nghal tur a ni ang.

MFA hruaitu hluite bakah hian sorkar mi pawimawhte, NGO hrang hrang hruaitu, Mizoram Premier League club hruaitu, sports association hrang hrang hruaitute an sawm bakah; kum 2017-a Mizoram aiawha feh chhuak footballer zawng zawng leh Aizawl FC player leh club hruaitute an sawm a ni a, player-te hnenah thilpek an hlan dawn a ni.