Manager ṭha ber Conte

Chelsea champion pui­tu Antonio Conte chu Pre­mier League season liam ta chhunga manager ṭha ber 'Barclays Manager of the Season' atan thlan a ni.

Manager ṭha chawi­mawina dawng tur hian Paul Clement (Swansea City), Sean Dyche (Burn­ley), Eddie Howe (Bour­nemouth), Mauricio Po­chettino (Tottenham Hot­spur) leh Tony Pulis (West Brom) te a khum.

Italian manager hian nikum September thla aṭang khan Blues chu 3-4-3 formation hmangin a khelhtir a, league cham­pion an nih theihna kawng­­ah a zawnin match 13 chhung zet hnehna an chang thei - season tawpah Spurs aiin point sarihin an sang zawk.

Conte hian Jose Mou­rinho leh George Burley te hnungzuiin Premier League chanchinah sea­­son hmasa bera he chawi­mawina dang nghal thei pathumna a ni.